ديوان الصالحين

[center]البرّاح
يا ديوان الصالحين
يا ديوان الصالحين
يا ديوان الصالحين
على ربي والوالدين
يا أهل الدشرة سطب سطب
السي بوكريشة رايح يخطب
يا أهل الدشرة سطب سطح
ويح الي ما يجيش صبح

السي لقرع راهو زعفان
لما شاف بلي السكان
كسروا الحرمة تاع رمضان
وراهم كامل هايجين
واحد يجري مور الخبزة
واحد لاتي غير بالدبزة
زيد حتى رجلين المعزة
راهم عادوا باينين
لا حيا لا حرمة لا حشمة
ما تقول الناس راها صايمة
وسط الدشرة تمشي هايما
الكل عشينا فاطرين
او هاذو عند اللبان
متلايمين كيف الذبان
التطباع والسبان
تقولي بالشر ميتين
وهذا يسرق فالميزان
وهذا يزيد فالاثمان
وهذا يبيع فلوكسيجان
فالشكاير مبلعين
هاذ الجنس اذا جاع
كلش ايولي يتباع
والله لو تحط كراع
تلقاهم مستفين
فالطرقان تلقاهم يمشوا
رافدين ساشي وينشنشوا
يشروا يشروا حتى يعشوا
بحزمة شكاير طالعين
ولما يقعدوا فالمايدة
ياكلوا غير مغرفة وحدة
يقولك أي ..وجعتني المعدة
ويلوّح الباقيين
يا ديوان سطب اسطح
يا ديوان أجبد انطج
يا ديوان اضرب النح
ولينا مبذرين ...
[/center]

هههههههههههههه
والله رائعة اخي
بارك الله فيكـــــــــ