الرئيسيةس .و .جالتسجيلدخول

شاطر | 
 

 عفيون الكرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ronaldo
عضو مميز
عضو مميز
avatar

عدد المساهمات : 168
تاريخ التسجيل : 28/03/2010
الجنس : ذكر
العمر : 25


مُساهمةموضوع: عفيون الكرة   السبت 21 أغسطس - 11:37

يــــــــا ديوان الصـــالحين يــــا ديوان الصــــالحين
يــــــــا ديوان الصـــالحين على ربـــــي والوالديــــن
يا أهل الدشرة صبح الخير جيتكم ببشارة الخير
باش نعلمكم بلي المير يفكر فيكم كاملين
بعد الخلوة والتفكير راه قرر باش يدير
فالدشرة فريق كبير تولوا كامل زاهيين
رايح يحيي الفوطبال بعد سنين وعوام طوال
ويرجعكم للمونديال بعدما كنتوا غايبين
ويجيب لي بروفيسيونال مالعينتر والآرسونال
والبرسا وحتى الريال راهم كامل جايين
ولاد الدشرة كامل كانوا امبحرين وليوما بانوا
فالغربة مساكن يعانوا وكانوا الكل مهمشين
حتى رونالدو كريستيانو اجدادوا مالدشرة كانوا
وليد خالت يمات أمانو من حمام المسخوطين
وحتى أكبر الحراس الي يسموه كاسياس
أجدادو من بني عرّاس كانوا هنايا ساكنين
أو كاين لاعبين أخرين راهم غير مترددين
ممكن يلحقوا بعدين كي نولّوا متأهلين
وانشالله على يامات يبداو المقابلات
وجدّوا غير لعلامات وكونوا كامل حاضرين
يــــــا ديوان الصـالحين يــا ديوان الصـــالحين
يــــــا ديوان الصالحين ونشالله رانا رابحين
..
الرجوع الى أعلى الصفحة اذهب الى الأسفل
 
عفيون الكرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: أدب وشعر :: الخواطر والقصيدة الحرة-
انتقل الى: